Foto: Halvor Heggem, Mads Holden, Marina Hovsveen, Daniel Sapak
Ein inkluderande elvefestival
Siste helg i august er du invitert til festival på Tvildemoen. Me har program både på land og på vann for store og små, og festivalen er også open for dei som berre ynskjer å stikka innom og sjå på livet. Meld deg på aktivitetar her.
Program
Laurdag 29. august
Kl 10.00: Velkomen!
Møt på Voss Elveklubb. Me ynskjer deg velkomen og fortel meir om kva som skal skje i helga!
Kl 10.15: Intro til Elveleik
Prøv packraft, rafting eller ducky. Ingen forkunnskapar påkrevd og du får låne alt naudsynt utstyr.
Kva er elveleik?
Elveleik er trygge og superkjekke aktivitetar i elva som kan tilpassast til alle nivå, frå ferske landkrabbar til erfarne elvesurfarar. Me har ei rekke kule elve-farkostar som me kan velge mellom for å gjere det meir eller mindre spennande - elvebrett, packraft, rafting og ducky! Du treng ingen kunnskapar frå før, og du får låne alt av utstyr. Nedre aldersgrene er 10 år, ingen øvre aldersgrense. Born frå 6 år som har med vaksne kan bli med i raften.
Kl 10.15: Naturmangfaldsvandring
Bli med på vandring med biolog Mie Prik og Voss Utferdslag. Me utforskar nærnaturen på Tvildemoen!
Kva er naturmangfaldsvandring?
Dette vert ei flott og roleg vandring der du får innsikt i det unike økosystemet langs Raundalselva. Biolog Mie Prik er forskar ved NINA (Norsk institutt for naturforskning) guidar turen og fortel engasjert om livet her.
Kl 12.00: Bading med Synnøve og SBSwimwear
Utfordra deg sjølv med elvebading utan våtdrakt!
Elvebading med Synnøve
Bli med på elvebading og ein dag fylt med meistring, natur og felleskap.
Har du lyst til å utfordre deg sjølv og prøve bading ute i naturen? Dette arrangementet gir deg moglegheita til å bade i flotte omgjevnader og oppleve gleda ved elvebading på nært hald.
For mange kan det vere ei spennande utfordring å utfordre bading i kaldt vatn, men saman skaper vi ei trygg og inkluderande ramme der alle kan delta på sitt eige nivå. Gjennom opplevinga vil du kunne bli betre kjend med elv og med elvebading, samtidig som du får kjenne meistring, naturglede og fellesskap.
Enten du er nybegynnar eller har erfaring frå før, er dette ei flott moglegheit til å kome tett på naturen, utfordre grensene dine og oppleve noko nytt.
Velkomen til ei frisk og minnerik oppleving!
I samband med arrangementet blir den nye kolleksjonen frå sbswimwear lansert. Inspirert av den frie kjensla av elvebading og nærleiken til naturen, er kolleksjonen handlaga av naturvenlege og berekraftige materiale, mellom anna ull. Akkurat som elvebading handlar om å kome tettare på naturen, speglar kolleksjonen verdiar som kvalitet, enkelheit og respekt for miljøet. Bli med, opplev noko nytt og ta del i ei heilt spesiell lansering.
Kl 10.15: Community kayaking
For padlarar som har minimum grunnkurs elv. Me deler opp etter nivå.
Kl 12.30: Omvisning på Voss Elveklubb
Visste du at elveklubben planlegg klubbhus på Tvildemoen? Bli med på omvisning og få vita meir om planane.
Kl 13.00: Lunsj med grilling
Etter aktivitetane samlar me oss igjen på klubben. Det vert servert grillmat, og du kan kjøpa kake, kaffe og saft.
Kl 14: Elvesnorkling med Tora Heggem
Oppdag den forunderlege verda under vassflata.
Kl 14: Den legendariske Vossolaksen
Ein ekte fiske-entusiast frå Voss fortel.
Kl 14: Roll clinics
Lær deg teknikken - eskimorulle i elvekajakk.
Søndag 30. august
Kl 9: Elveyoga med My
Start dagen med yoga ute i det fri.
Yoga med My
Hei, eg heiter My og er nyutdanna yogainstruktør i Rishikesh, India. Eg underviser for det meste hatha yoga med mykje fokus på pusten. Pusteøvingar, solhilsen og meditasjon er alltid ein del av økten. Etter ein fin sommer med yoga og badstove kvar mandag på Vandrarheimen gler eg meg till å holde en yoga økt inspirert av elven. Velkomne!
Kl 10.00: Elveleik
Prøv packraft, rafting eller ducky. Ingen forkunnskapar påkrevd og du får låne alt naudsynt utstyr.
Kl 10.00: Praktisk naturrestaurering
Me blir med Naturverkstaden og rydder i vassdragsnaturen! Voss Elveklubb får dugnadsmidlar for kvar enkelt som stiller opp på dette.
Kl 13: Lunsj
Ta med eigen niste, eller du kan kjøpa noko å bite i på klubben.
Kl 14: Avslutning og fun float til Tintrabrua
Alle kan bli med på dette! Meld deg på dersom du treng å låne utstyr (redningsvest, hjelp og evt elvefartøy) frå klubben. Me flyt saman ned til Tintrabrua.
Obs: Endringar kan skje.
Aktivitetane har avgrensa plassar, så lurt å melde seg på i forkant.
Blir du med som frivillig?
Då får du gratis grill-lunsj på laurdag og masse god elve-karma!
Foto: Halvor Heggem, Mads Holden, Marina Hovsveen, Daniel Sapak